by

Танилцуулга

Ард Санхүүгийн Нэгдэл нь санхүү, технологийн компаниудад хөрөнгө оруулалт хийж, зах зээл дэх байр суурь, өрсөлдөх чадвар, үнэ цэнийг нь дээшлүүлэх замаар хувьцаа эзэмшигчдийнхээ хөрөнгийн өгөөжийг өсгөх зорилт тавин ажилладаг үндэсний санхүүгийн нэгдэл компани юм. Ард Санхүүгийн Нэгдлийн бүрэлдэхүүнд Ард Даатгал, Ард Кредит, Ард Секюритиз, Ард Лайф, Ард Актив, Ард Менежмент, ТэнГэр Системс, Монгол Шуудан, Крипто Үндэстэн, Ард Холдингс Интернэйшнл, Ард Лизинг, Ард Реалти зэрэг компани багтаж байна. Ард Апп, Ард Дижитал Банкинг нь Ард Санхүүгийн Нэгдлийн хөгжүүлсэн хиймэл оюун ухаан, блокчэйн технологи дээр суурилсан цахим бүтээгдэхүүн юм.

Ард Санхүүгийн Нэгдэл нь гүйцэтгэх захирал, санхүү эрхэлсэн захирал, үйл ажиллагаа хариуцсан захирал, маркетинг хариуцсан захирал, дижитал технологийн захирал, хөрөнгө оруулалт хариуцсан захирал, дотоод аудитор, байгууллагын нарийн бичгийн дарга, хууль эрх зүй хянан нийцүүлэлт эрхэлсэн захирал, ТУЗ-ийн нарийн бичгийн дарга, ерөнхий нягтлан бодогч, эрсдэлийн менежер зэрэг 15 хүний бүрэлдэхүүнтэй баг ажиллаж байна.


Эрхэм Зорилго

Хөрөнгө Оруулагч Үндэстэнг цогцлуулна.

Алсын Хараа

Бүс нутагтаа тэргүүлэгч финтек нэгдэл болох.


Түүх

Ард Санхүүгийн Нэгдэл нь 2005 оны 10 сарын 10-ны өдөр бизнесийн зөвлөгөө, хөрөнгө оруулалтын үйлчилгээ үзүүлэх зөвшөөрөлтэйгөөр үүсгэн байгуулагдсан. 2007 онд бизнесийн зөвлөгөө өгөх Ард Лайф компани, 2009 онд үнэт цаас брокер дилерийн Ард Секюритиз ҮЦК-д тус тус хөрөнгө оруулалт хийж эхэлсэн. 2013 онд компанийн гол хувьцаа эзэмшигчид шинэ стратегийн зорилгоо тодорхойлж, Ард Санхүүгийн Нэгдэл гэх нэрэн дор үйл ажиллагаагаа явуулах түүхэн шийдвэрийг гаргасан юм. Энэхүү төлөвлөгөөний хүрээнд компани нь Ард Даатгал, Ард Кредит компаниудад тасралтгүй хөрөнгө оруулж эхэлсэн билээ. Компанийн ирээдүйн төлөвлөгөө, зорилгынхоо хүрээнд Биржид бүртгэлтэй Жинст Увс ХК-ийг хөрөнгө оруулалтын бүтэцдээ 2015 онд оруулсан. 2016 онд Ард Санхүүгийн Нэгдэл нь Монголын хөрөнгийн бирж дээр болсон томоохон хувьчлалд амжилттай оролцож, Монгол шуудан ХК-ийн гол хөрөнгө оруулагч нь болж чадсан билээ. 2017 онд компанийн үндсэн хөрөнгө оруулалтын багцад хөрөнгө оруулалтын сангийн удирдлагыг хэрэгжүүлэх Ард Менежмент компани нэмэгдсэн байна. 2018 оноос ТэнГэр Системс компани өөрийн үйл ажиллагааны чиглэлд шинэчлэл хийж, блокчэйн технологи руу шилжиж эхэлжээ. 2019 онд Ард Холдингс Интернэйшнл, Ард Лизинг компаниуд байгуулагдаж, нэгдлийн бүтцэд багтаж эхэлсэн байна.

Ард Санхүүгийн Нэгдэл хаалттай ХК нь 2015 онд Жинс Увс ХК-нд хөрөнгө оруулалт хийж, улмаар 2018 оны 4 сарын 28-ны өдрийн хувьцаа эзэмшигчдийн хурлаараа Жинст Увс ХК-тай урвуу нэгдэл хийх гэрээ, журмаа батлуулан, СЗХ-оос 2019 оны 5 сарын 8-ны өдрийн 102 тоот тогтоолоор Жинст Увс ХК-тай урвуу нэгдэл хийж, Ард Санхүүгийн Нэгдэл ХК нэр доор үнэт цаасны арилжааг эхлүүлсэн.

Ard Holdings Milestones

  • 12 дугаар сарын 21-ний өдөр – Ажиллагсдын хувьцааны сангаас 10,000,000 төгрөгийн 10,000 ширхэг энгийн хувьцаа гаргажээ.
  • 10 дугаар сарын 25-ны өдөр – ТУЗ-ийн анхны хурал болж Б. Дэлгэржаргал, А. Батболд, Б. Туул, Г. Цогбадрах, Н. Энхсайхан нарын бүрэлдэхүүнтэй ТУЗ-ийг байгуулж, ТУЗ-ийн даргаар Б. Дэлгэржаргал ажиллаж эхэллээ.
  • Ажилчдад шинээр хувьцаа эзэмшүүлэх журам батлагдав.
  • 1 дүгээр сарын 6-ны өдөр – Д. Амарбаясгаланг Гүйцэтгэх захирлаар томиллоо.
  • 2006 оны эцсээр 477,857 ширхэг гаргасан хувьцаатай, хувьцаа эзэмшигчдийн тоо 242 болов.
  • 2 дугаар сарын 21-ний өдөр – Тэтгэврийн сангийн үйлчилгээг санаачлан ХасБанк, ТСН-ийн ажиллагсдын Тэтгэврийн данс, сангийн удирдлагыг амжилттай хэрэгжүүлж, тус төрлийн үйлчилгээгээр Монголд анхдагч болж чадсан билээ.
  • 5 дугаар сарын 1-ний өдөр – Л. Соронзонболдыг Гүйцэтгэх захиралаар томилов.
  • 6 дугаар сарын 13-ны өдөр – ТУЗ-ийн хурлын шийдвэрээр мэдээлэл, технологийн шийдэл, программ хангамж боловсруулах, үйлчилгээ үзүүлэх, зөвлөгөө өгөх, сургалт явуулах үйл ажиллагаатай компанийг ТэнГэр Системс нэрийн дор 100 хувийн хөрөнгө оруулалттайгаар байгуулав.
  • 8 дугаар сарын 30-ний өдөр – Б. Ганбатыг Гүйцэтгэх захирлаар томилов.
  • 9 дүгээр сарын 26-ны өдөр – Техник Технологийн Коллеж буюу одоогийн Техник Технологийн Дээд Сургууль (хөрөнгө оруулалт хийх шийдвэрээр)-ийн хувьцааг худалдан авч 28 хувийн хувьцаа эзэмшигч болов.
  • 10 дугаар сарын 19-ний өдөр – Улаанбаатар хотын Баянзүрх дүүргийн Хонхор хорооллын орчимд баригдаж буй Ургах Наран хорооллыг барих ажлын ерөнхий зохион байгуулагчаар ажиллаж буй “BSP” ХХК-тай хамтран ажиллах шийдвэр гаргав.
  • 12 дугаар сарын 18-ны өдөр – “Прайм Женерал Даатгал” ХХК-ийн нийт хувьцааны 50 хувийг худалдаж аван Петровис ХХК-тай хамтран ажиллаж эхлэв.
  • 12 дугаар сарын 25-ны өдөр – Дорнод аймагт үйлдвэр үйлчилгээний зориулалт бүхий 500м2 газрыг худалдаж авхаар болов.
  • 2007 оны 12 дугаар сарын 31-ний өдрийн байдлаар тус Компани нь ХАС-ГЭ ХХК-д 12 хувь, Грассрүүтс ХХК-д 35 хувь, АгЗам Хаст ХХК-д 30 хувь, Техник Технологийн Коллеж ХХК-д 28 хувь, Тэнгэр Системс ХХК-д 100 хувь эзэмшиж байв.
  • 1 дүгээр сарын 6-ны өдөр – ХасБанкнаас 2006 оноос жил бүр зохион байгуулдан Дуулиан 2020 тэмцээнд 11 дүгээр сургуулийн баг тамирчдыг ивээн тэтгэж оролцохоор болов.
  • 6 дугаар сарын 16-ны өдөр – ИАйТи Капитал Менежмент ХХК-иас хувьцааг нэмж гаргах болон шинэ хөрөнгө оруулагчдад хувьцаа худалдахыг зөвшөөрөх тухай, мөн нэмж хувьцаа гаргасантай холбогдуулан улсын бүртгэлд холбогдох өөрчлөлтийг бүртгүүлэх тухай шийдвэр гарлаа.
  • 7 дугаар сарын 9-ний өдөр – Хувь нийлүүлэгчдийн хурал болж, нийт хувьцааны 52 хувийг эзэмшигч 35 хувь нийлүүлэгчид оролцож санхүү болон үйл ажиллагааны тайланг батлав.
  • 7 дугаар сарын 24-ний өдөр – ИАйТи ХХК нь ТСН-ийн хувьцааг эзэмших EIT Capital Management ХХК (ИСиЭм)-ийг тусгайлан байгуулах шийдвэрийг гаргаж, тус компаниар дамжуулан д гадаадын хөрөнгө оруулагчдыг татан оруулахаас гадна ТэнГэрийн хувьцааг нэмж авах хөрөнгө санхүүг амжилттай босгож ирсэн бөгөөд өөрөө тус компанийн менежментийг нь хийж ирсэн юм. ИСиЭм ХХК-ийг үүсгэн байгуулснаар ИАйТи ХХК-ийн хувьцааны үнэ цэнийг үлэмж өсгөлөө.
  • 7 дугаар сарын 24-ний өдөр – ИСиЭм ХХК-ийг үүсгэн байгуулж ИАйТи ХХК-ийн хувьцааны үнэ цэнийг өсгөв.
    12 дугаар сарын 19-ний өдөр – Хөрөнгө оруулалт, эх үүсвэрийн удирдлагын бодлогыг ТУЗ-өөс батлав.
  • 3 дугаар сарын 11-ний өдөр – ТУЗ-ийн бүрэлдэхүүнд Ч. Ганхуяг, А. Батболд, Л. Төр-Од нарыг гишүүнээр томилов.
  • 3 дугаар сарын 11-ний өдөр – Хяналтын Зөвлөлийн гишүүдээр С. Дауренбек, Ж. Мөнхсайхан, Г. Зул, Б. Оюунгэрэл, Г. Эрдэнэбаяр нарыг томилов.
  • 4 дүгээр сарын 17-ны өдөр – ТУЗ-ийн дэргэд дотоод аудит буюу дотоод хяналтын нэгж байгуулан дотоод аудитын нэгжийн даргаар Л. Төр-Од, гишүүдээр С. Дауренбек, Г. Эрдэнэбаярыг томилов.
  • 10 дугаар сарын 26-ны өдөр – Брокер, диллер, андеррайтер, хөрөнгө оруулалтын банкны чиглэлээр үйл ажиллагаа явуулдаг Монет Капитал ХХК-д хөрөнгө оруулалт хийв.
  • 5 дугаар сарын 27-ны өдөр – ИАйТи ХХК-ийн 100%-ийн хөрөнгө оруулалттай, Тэтгэврийн сангийн үйлчилгээг дагнан хэрэгжүүлэх зорилготой, МТНД (Монголын Тэтгэврийн Нэрийн Данс) ХХК-ийг үүсгэн байгуулж, тэтгэврийн дансыг тус сангийн үйл ажиллагаанд шилжүүлэн өглөө.
  • 3 дугаар сарын 17-ны өдөр – Прайм Женерал Даатгал ХХК дахь эзэмшлийн хувьцааг ТСН-д худалдав.
  • 4 дүгээр сарын 16-ны өдөр – Охин компани байгуулах тухай шийдвэр гарч, 100 хувийн хөрөнгө оруулалттай Монголын Тэтгэврийн Нэгдсэн Данс ХХК-ийг байгуулав.
  • 7 дугаар сарын 5-ний өдөр – ИАйТи ХХК-ийн 100%-ийн хөрөнгө оруулалттай охин компаниар Арвай Капитал ХХК-ийг үүсгэн байгуулав. Арвай Капитал ХХК нь Хөрөнгө оруулалтын мэдээлэл, Хөрөнгө оруулалтын зөвлөгөө, Санхүүгийн сургалт, Бизнесийн зөвлөгөөний үйл ажиллагаа явуулахаар байгуулагдсан байна.
  • 7 дугаар сарын 30-ны өдөр – Сүхбаатар дүүргийн 8 дугаар хороонд байрлах Сити Центр барилгад 170,44 м2 талбайтай оффис худалдан авлаа.
  • 12 дугаар сарын 1-ний өдөр – ТТК -ийн дүрмийн сангийн 12 хувийг нэмж худалдан авснаар нийт 40 хувийг эзэмших болсон.
  • 1 дүгээр сарын 24-ний өдөр – ИАйТи Капитал Менежмент ХХК-ийн хувьцааг Blue Orchard Equity Fund-аас худалдан авав.
  • ИСиЭм ХХК-аар дамжуулан ТСН-д эзэмших хувиа нэмэгдүүлсээр байсан бөгөөд 2011 оны 03 дугаар сарын 30-нд Ронок-с ИСиЭм-ийн хувьцааг худалдан авлаа.
  • 3 дугаар сарын 1-ний өдөр – ТУЗ-ийн хурлын шийдвэрээр Намсрай Актив ХХК-ийн хувьцааг худалдан авхаар болов.
  • 3 дугаар сарын 30-ны өдөр – ИСиЭм ХХК-д МАК, Моннис, МСиЭс Холдинг ХХК-ийг хөрөнгө оруулагчаар татан оруулж ирэв.
  • 4 дүгээр сарын 20-ний өдөр – ТТК дахь хувь эзэмшлээ 10 хувиар нэмэгдүүлж, 50 хувийн хувьцаа эзэмшигч боллоо.
  • 9 дүгээр сарын 16-ны өдөр – ТУЗ-ийн тогтоолоор А.Батболдыг Ерөнхий захиралын албан тушаалд томилов.
  • 12 дугаар сарын 25-ны өдөр – Монет Капитал ХХК-ийн хувьцаа эзэмшигчдийн хувьцааг ИАйТи ХХК-ийн хувьцаагаар солилцон, Монет Капитал ХХК-д 100 хувийн эзэмшилтэй боллоо.
  • 12 дугаар сарын 25-ны өдөр – ТУЗ-ийн хурлаар Монет Капитал ХХК-ийн хувьцааг ИАйТи ХХК-ийн хувьцаагаар солилцон Монет Капитал ХХК-ийг 100 хувь тус компанийн охин компани болгох зорилгоор нэмж хувьцаа гарган Монет Капиталын хувьцаа эзэмшигчдэд эзэмшүүлэхийг зөвшөөрөв.
  • 12 дугаар сарын 26-ны өдөр – ТУЗ-ийн хурлаар Номын Хишиг ХХК-ийн дүрмийн сангийн 20 хувийг худалдах авах шийдвэр гарав.
  • 12 дугаар сарын 26-ны өдөр – Номын Хишиг ХХК-ийн дүрмийн сангийн 20 хувийг худалдан авах шийдвэр гарав.
  • 4 дүгээр сарын 28-ний өдөр – Монголын томоохон компаниудын нэг болох МАК ХХК-ийг стратегийн хөрөнгө оруулагчаар татан оруулав.
  • 6 дугаар сарын 29-ний өдөр – МСиЭс Холдинг ХХК-ийг хөрөнгө оруулагчаар оруулав.
  • 9 дүгээр сарын 7-ны өдөр – ТУЗ-ийн хурлаар Төлөөлөн Удирдах Зөвлөлийн даргыг томилох тухай шийдвэр гарч М. Сэргэлэнг ТУЗ-ийн даргын албан тушаалаас чөлөөлж, Ч.Ганхуягийг томилов.
  • 12 дугаар сарын 6-ны өдөр – Луна энд Луна ХХК-ийг хөрөнгө оруулагчаар татан орууллаа.
  • 12 дугаар сарын 17-ны өдөр – ЮуБиАйЖи ХХК, Ронок Лимитед зэрэг нь Монет Капитал ХХК-д эзэмшиж байсан хувьцаагаа ИАйТи ХХК-ийн хувьцаагаар сольж томоохон хөрөнгө оруулагчдын нэг боллоо.
  • 12 дугаар сарын 26-ны өдөр – Стратегийн чиглэлд өөрчлөлт оруулсны дараа Намсрай Актив ХХК, Ай Консепт ХХК-иудын дүрмийн сан дахь (EIT) ИАйТи ХХК-ийн эзэмшлийн тус бүр 50 хувийг гүйцэтгэх удирдлагад нь худалдах санал тавьж худалдан, холбогдох гэрээ хэлцлийг баталгаажууллаа.
  • 4 дүгээр сарын 23-ны өдөр – Траско ХЗХ-г шилжүүлэн авч, үйл ажиллагааг жигдрүүлэв.
  • 4 дүгээр сарын 10-ны өдөр – Ж. Оюунгэрэл ТУЗ-ийн гишүүнээр нэгдлээ.
  • 6 дугаар сарын 30-ны өдөр – МАК, Ронок нарын ИСиЭм дэх хувьцааг тусгаарлан ТСН-д шууд хувьцаа эзэмшүүллээ.
  • 10 дугаар сарын 4-ний өдөр – С. Гэрэлтуяаг ТУЗ-ийн гишүүнээр томиллоо.
  • 10 дугаар сарын 31-ний өдөр – МТНД ХХК-д төвлөрүүлсэн Тэтгэврийн сангаас ТСН-ийн 2000 орчим ажилчдын нэрийн дансанд төвлөрсөн 3.5 тэрбум төгрөгийн хөрөнгийг ТСН-д буцаан бүрэн шилжүүлж өглөө.
  • 10 дугаар сарын 31-ний өдөр – Аполло Вентурс ХХК -нь шинээр орж ирэн томоохон хувьцаа эзэмшигчдийн нэг боллоо.
  • 7 дугаар сарын 16-ны өдөр – Тэнгэр Системс ХХК -нь Right Banker банкны удирдлагын програмын эрхийг шилжүүлэн авч, хөдөөгийн хадгаламж зээлийн хоршоодод нэвтрүүлэх, хамрах хүрээг өргөтгөх ажлыг гардан хийхээр тогтов.
  • 8 дугаар сарын 1-ний өдөр – ТУЗ-ийн хурлаар 100 хувийн хөрөнгө оруулалттай МТНД ХХК-ийн ИАйТи Капитал Менежмент ХХК-д эзэмшиж байгаа хувийг Монголиан Файнэншил Сервисиз компанид худалдах шийдвэр гарсан байна.
  • 10 дугаар сарын 24-ний өдөр – ИСиЭм ХХК-д эзэмшиж буй хувьцаанаас 27,57 хувь болох 1,214,357 ширхэг (ТСН-ийн 2,77 хувь) хувьцааг Монголиан Файнэншил Сервисиз-д худалдав.
  • 10 дугаар сарын 24-ний өдөр – ТУЗ-ийн хурлаар ИАйТи Капитал Менежмент ХХК-д эзэмшиж буй хувьцаанаас 27.57 хувь буюу Тэнгэр Санхүүгийн Нэгдэлд шууд бусаар эзэмшиж буй 2.77 хувийг Монголиан Файнэншил Сервисизд худалдахыг зөвшөөрсөн байна.
  • 12 дугаар сарын 19-ний өдөр – Хурлаар ИАйТи Капитал Менежмент ХХК-ийг татан буулгах шийдвэр гарсан байна.
  • 12 дугаар сарын 26-ны өдөр – Хувьцаа эзэмшигчидийн хурлын тогтоолоор Ард Даатгал ХХК-ийн 33.0 хувь, Ард Кредит ХХК-ийн 50 хувийг худалдан авахыг зөвшөөрч, Ард Санхүүгийн Нэгдэл нэрэн дор үйл ажиллагаа явуулах шийдвэр гарлаа.
  • 12 дугаар сарын 27-ны өдөр – Шинээр баримтлах стратегийн хүрээнд брокер диллер, хөрөнгө оруулалтын зөвлөх, хөрөнгө оруулалтын сан, даатгал, санхүүгийн иж бүрэн үйлчилгээ үзүүлэх ажиллагаа үзүүлдэг компаниудыг нэгтгэсэн Ард Санхүүгийн Нэгдэл нэрийн доор үйл ажиллагаа явуулах түүхэн шийдвэр гаргаж Ард Даатгал ХХК-ийн 33.0% , Ард Кредит ХХК-ийн 50%-ийг худалдан авч, Интер Групп Интернэйшнл ХХК нь ИАйТи ХХК-ийн хувьцаа эзэмшигчээр орох гэрээнд гарын үсэг зурлаа.
  • 1 дүгээр сарын 8-ны өдөр – ТУЗ-ийн шийдвэрээр BDO Аудит ХХК-ийг сонгон аудитын ажлын гэрээ байгуулахыг зөвшөөрлөө.
  • 1 дүгээр сарын 9-ний өдөр – Компанийн мэдээлэл технологи, маркетинг сурталчилгаа талыг хариуцан ажиллах компаниар Уайлд Дижитал ХХК-ийг сонгон, хамтран ажиллах гэрээ байгуулав.
  • 2 дугаар сарын 10-ны өдөр – Траско ХЗХ нь нэрээ Ард Актив ХЗХ болгон өөрчилж, тус хоршоонд ИАйТи ХХК нь гишүүнээр элслээ.
  • 3 дугаар сарын 31-ний өдөр – ТУЗ-ийн дэргэд Хөрөнгө оруулалтын хороо, Шагнал урамшуулал, засаглал болон нэр дэвшүүлэх хороо, Эрсдэл санхүүгийн хороо, Аудитын хороог байгууллаа.
  • 4 дүгээр сарын 5-ны өдөр – АРД Санхүүгийн Нэгдэлийн тамирчин Лхагвадорж Улаанбаатар хотын Бодибилдингийн тэмцээнд 65 кг-д өрсөлдөж хүрэл медаль хүртэв.
  • 4 дүгээр сарын 11-ний өдөр – АРД Санхүүгийн Нэгдэлийн тамирчин Э.Содномпилжээ Дубай хотод болсон Пауэрлифтингийн тэмцээнд амжилттай оролцож 7 дугаар байр эзлэн 2016 оны олимпод оролцох эрхээ авлаа.
  • 4 дүгээр сарын 28-ны өдөр – Интер группийн төлөөлөл П. Батбаяр, МАК ХХК-ийн төлөөлөл Т. Тэлмэн, ЮуБиАйЖи ХХК-ийн төлөөлөл Л. Жавзмаа нар ТУЗ-ийн гишүүнээр ажиллахаар боллоо.
  • 4 дүгээр сарын 28-ны өдөр – Компанийн хувьцаа эзэмшигчдийн ээлжит хурал хуралдаж, 2013 оны ажлаа дүгнэж, санхүүгийн тайланг батлав.
  • 1 дүгээр сарын 14 – Ард Санхүүгийн Нэгдлийн ТУЗ-ийн ээлжит хурал болов.
  • 1 дүгээр сарын 27 – Ард Санхүүгийн Нэгдлийн охин компани ҮЦК “Монет Капитал” нэрээ “Ард Секюритиз” болгон өөрчилснийг Санхүүгийн Зохицуулах Хорооноос батлав.
  • 1 дүгээр сарын 31-ний өдөр – Ард Санхүүгийн Нэгдлийн баг бүрэлдэхүүн Төв аймгийн Батсүмбэр суманд ажиллаж, “Хас Баяжих” хоршооны хуралд танилцуулга хийв.
  • 1 дугээр сар – Монголын пара пауэрлифтингийн тамирчин Э.Содномпэлжээг БНСУ-ын Инчеон хотод зохион байгуулагдсан Азийн аврага шалгаруулах тэмцээнд оролцоход нь дэмжиж ажиллав.
  • 2 дугаар сар – Ард Санхүүгийн Нэгдлийн оффис шинэ байранд нүүж оров.
  • 3 дугаар сарын 23-ны өдөр – Ард Санхүүгийн Нэгдэл Монголын Хөрөнгийн Бирж дээр бүртгэлтэй ХАА-н салбарт үйл ажиллагаа явуулдаг Жинст Увс ХК-ийн нийт гаргасан хувьцааны хяналтын багц болох 84.6 хувь буюу 45,028 ширхэг хувьцааг хуульд заасан хугацаанд багтаан блок арилжаагаар худалдан авлаа. 
  • 2 дугаар сарын 27-ны өдөр –  МУСТА, жүжигчин Р.Анхнямын тоглосон “Чонон сүлд” уран сайхны киног Монголд гаргах эрхийг авахад туслаж, Монгол дахь нээлтийг нь ивээн тэтгэв.
  • 4 дүгээр сарын 2-3-ны өдрүүд – Монголын Эдийн Засгийн Форумын 5 дахь удаагийн чуулганд ивээн тэтгэгчээр оролцлоо.
  • 5 дугаар сарын 1-ний өдөр – Ард Санхүүгийн Нэгдлийн хувь нийлүүлэгчдийн ээлжит хурал боллоо.
  • 5 дугаар сар – Улаанбаатар хотын Худалдааны танхимыг үүсгэн байгуулалцаж, Удирдах Зөвлөлийн гишүүнээр Гүйцэтгэх захирал Ч.Ганхуяг сонгогдов.
  • 5 дугаар сар – Porsche World Roadshow in Mongolia арга хэмжээг Ард Даатгал ХХК-тай хамтран дэмжив.
  • 5 дугаар сар – Ардынхан “Дуулиан 2015” сонирхогчдын хөлбөмбөгийн тэмцээнд оролцов.
  • 6 дугаар сар – Швейцарь улсын АДВЕК сангийн үүсгэн байгуулагч, ТУЗ-ийн дарга Бруно Рашле Ард Санхүүгийн Нэгдлийн хувьцаа эзэмшигч болов.
  • 6 дугаар сарын 10-ны өдөр – Ардын ажилчид “Найрсаг Улаанбаатар” нийтийн марафон гүйлтэнд хамт олноороо оролцлоо.
  • 6 дугаар сар – Нийслэлийн 29 дүгээр дунд сургуулийн сурагчдад хүүхдийн баярын бэлэг гардуулав.
  • 7 дугаар сар – “BCM 2015” хөлбөмбөгийн тэмцээнийг ивээн тэтгэв.
  • 7 дугаар сарын 9-ний өдөр – “Шөнийн Музей” хөтөлбөрийн хүрээнд Чойжин ламын сүм музейд зохион байгуулагдсан “Хөсөгтөн” хамтлагийн тоглолтын ерөнхий ивээн тэтгэгчээр хамтран ажиллав.
  • 8 дугаар сарын 2-ны өдөр – Монголд анх удаа зохион байгуулагдсан Эндюрокроссын улсын аварга шалгаруулах тэмцээний ерөнхий ивээн тэтгэгчээр оролцлоо.
  • 8 дугаар сарын 18-ний өдөр – ОУХМ О.Жавзмааг 2015 оны Жүдо бөхийн ДАШТ-нд оролцоход нь дэмжиж ажиллав.
  • 8 дугаар сарын 31-ний өдөр – Хувьцаа эзэмшигч Бруно Рашле Ард Санхүүгийн Нэгдлийн ТУЗ-ийн гишүүнээр сонгогдлоо.
  • 9 дүгээр сарын 2-5-ны өдрүүд – Гүйцэтгэх захирал Ч.Ганхуяг Япон улсад зохион байгуулагдсан “G1 Summit” хуралд панелистаар оролцов.
  • 9 дүгээр сарын 10-ны өдөр –  Гарааны бизнесийг ажлын газраар хангаж, менежментээр тусалдаг “Ард Бизнес Үйлдвэр” АСН-ийн оффисын байранд шинээр нээгдлээ.
  • 10 дугаар сарын 2-5-ны өдрүүд – Хөдөөгийн Бичил Санхүүгийн Хөгжлийг Дэмжих Холбоотой хамтран Баруун бүсийн чуулга уулзалтыг Баян-Өлгий аймагт зохион байгуулав.
  • 10 дугаар сарын 10-ны өдөр – АСН “1000₮” сайн үйлсийн аянд нэгдлээ.
  • 10 дугаар сарын 23-ны өдөр – АСН-ийн Гүйцэтгэх захирал Ч.Ганхуяг “Орос-Монголын хамтарсан 3 дугаар дунд сургууль”-ийн сурагчдад монгол гэр гардуулж, нэр төрийн тухай ярилцав.
  • 11 дүгээр сарын 7-ны өдөр – АСН-ийн  удирдлагын багийн 15 ажилтан “Компанийн засаглал” сургалтанд сууж, итгэмжлэгдсэн сертификаттай болов.  
  • 11 дүгээр сарын 11-ний өдөр – Оюу Толгой ХК-ийн Гүйцэтгэх захирал Эндрью Вудлей АСН-ийн хөрөнгө оруулалттай ТТДС дээр айлчиллаа.
  • 11 дүгээр сарын 23-ны өдөр – Ард Санхүүгийн Нэгдэл хаалттай Хувьцаат компани боллоо.
  • 11 дүгээр сарын 30-ны өдөр – ТУЗ-ийн ээлжит хурал боллоо. Хувьцаа эзэмшигчдэдээ гэрчилгээг нь гардуулж эхэллээ.
  • 12 дугаар сарын 3-ны өдөр –  Үнэт цаасны төлбөр тооцоо, төвлөрсөн хадгаламжийн төвтэй гэрээ байгуулан, хамтран ажиллаж эхлэв.
  • 12 дугаар сарын 6-ны өдөр – АСН-ийг олон нийтэд танилцуулах арга хэмжээг Тэнгис кино театрт зохион байгуулав. Охин компаниуд нэгдсэн зохион байгуулалтан дор оролцов.
  • 12 дугаар сарын 10-ны өдөр – Монголын пара цанын шигшээ багийн тамирчин Б.Ганболдын ДАШТ, Пара Олимпод бэлдэж, оролцоход нь туслалцаа үзүүлэхээр болов.
  • 12 дугаар сарын 19-ний өдөр – Монгол Улсын болон ОХУ-ын Буриад улсын гавьят жүжигчин Г.Ариунбаатарын “Монгол Сонгодог 2” тоглолтын ивээн тэтгэгчээр ажиллав.  
  • 12 дугаар сарын 25-ны өдөр – Бизнес мэдээний цахим портал richtopia.com-оос гаргадаг “Дэлхийн хамгийн нөлөө бүхий 500 Гүйцэтгэх захирал (CEO)” жагсаалтын 241 дүгээр байранд Ард Санхүүгийн Нэгдлийн Гүйцэтгэх захирал Ч.Ганхуягийн нэр бичигдлээ.  
  • 1 дүгээр сар – ТэнГэр Санхүүгийн Нэгдэл дэх үлдсэн 4.26 хувиа арилжаалах ажил дүгнэгдэж, арилжааны дүн болох 12.4 тэрбум төгрөг бүхлээрээ манай дансанд орж ирэв. Монгол Улсын Засгийн Газраас зарласан Монгол Шуудан Компанийн хувьчлалд амжилттай оролцож 3.3 тэрбум төгрөгөөр бид тус компанийн 17.38 хувийг Монголын Хөрөнгийн Биржийн арилжаагаар худалдаж авлаа. Нэгж хувьцааны хувьчлалын үнэ 185 төгрөг байсан бол 12 дугаар сарын эхээр 340 төгрөг хүрсэн байна. Хөрөнгө Оруулагч Үндэстэн ХХК нь 2016 оны 1 дүгээр сарын 9-ний өдөр 560 хүний үүсэл санаачлагаар байгуулагдсан ба Монголд анх удаа “crowdfunding” аргыг ашиглан олон нийтийн оролцоотой арилжааны банк байгуулах зорилгоор үүсгэн байгуулагдсан мэргэжлийн санхүү, хөрөнгө оруулалтын компани бий болсон юм.
  • 2 дугаар сар – Санхүүгийн Зохицуулах Хорооны шийдвэрээр Ард Менежмент ХХК тусгай зөвшөөрлөө авснаар анх төлөвлөж байсан хөрөнгө оруулалтын менежментийн үйл ажиллагаагаа эхлүүлэх боломжтой болов.
  • 5 дугаар сар – Ард Даатгал ХХК-йн 55.31 хувийн хувьцаа эзэмшигч Ард Санхүүгийн Нэгдэл ХК нь компанийн бусад хувьцаа эзэмшигчдээс хувьцааг нь худалдан авч, өөрийн эзэмшиж буй хувийг  нэмэгдүүлэн 83.03-д хүргэсэн.
  • 6 дугаар сар – Ард Санхүүгийн Нэгдэл ХК- нь Монголын Хөрөнгийн Бирж дээр бүртгэлтэй, 1991 оноос тасралтгүй 25 жилийн турш тогтвортой үйл ажиллагаа явуулж байгаа анхдагч үнэт цаасны компаниудын нэг болох Алтан Хоромсог ҮЦК ХХК-ийг худалдан авч, Ард Санхүүгийн Нэгдэлд нэгтгэсэн.
  • 9 дүгээр сар – Ард Санхүүгийн Нэгдэл болон иргэн Х.Батхишиг Монгол Шуудан ХК-ийн цаашдын хөгжлийн стратеги, алсын хараан дээр санал нэгдэж, хамтын ажиллагаагаа дараачийн шатанд гаргах зорилгоор хэлэлцээр хийсний үр дүнд Ард Санхүүгийн Нэгдэл Монгол Шуудан ХК-ийн 13 хувийг нэмж авах гэрээг байгууллаа. Уг хэлцлийн дараа Ард Санхүүгийн Нэгдэл нь Монгол шуудангийн 31 хувийг эзэмшиж байна.
  • 12 дугаар сар – Швейцарийн томоохон хувьцаа эзэмшигчдийн нэг Бруно Рашле нэмж 600,000 долларын хөрөнгө оруулалт хийв. Ард Санхүүгийн Нэгдэлийн ТУЗ 12 сарын 3-ны өдөр хуралдаж 2 тэрбум төгрөгийн бонд гаргах шийдвэр гаргав. Мөн IET сургуулийг 9.8 тэрбум төгрөгөөр зарах шийдвэр гаргасан. Хөрөнгө Оруулагч Үндэстний хувьцаа эзэмшигчдийн тоо 800, нийт Ард Санхүүгийн Нэгдэлийн компаниудын хувьцаа эзэмшигчдийн тоо 3000 хүрэв. Ард Санхүүгийн Нэгдэл нь Ард Кредит дэхь өөрийн эзэмшилийн хувийг ихэсгэж 55%-иас 80% болголоо. МТНД буюу тэтгэврийн сангийн үйлчилгээ үзүүлдэг компани ребрендинг хийн нэрээ Ард Лайф болгон өөрчлөв. 2016 оны хамгийн сүүлийн өдөр Ард Санхүүгийн Нэгдэл нь 600,000 долларын бондыг Хүннү Эйр компанид амжилттайгаар босгож өгөв.
  • Ард Санхүүгийн Нэгдэл ХК хөрөнгө оруулалт хийсэн ТТДС-ийн 50% эзэмшлээ удирдлагын багт нь арилжлаа.
  • Ард Секюритиз ҮЦК нь Хүннү Эйр компанийн хаалттай хүрээнд санал болгон гаргасан 600 мянган долларын нэрлэсэн үнэтэй, 18 сарын хугацаатай, 15 хувийн купонтой “Хүннү” бондын андеррайтераар ажиллан 2016 оны 12 сарын 27-нд санхүүжилтийг амжилттай босгож өгөв.
  • Английн хаягжилтын What3Words компанийн Монгол дахь агент ТэнГэр Системс компани боллоо.
  • 1 сарын 5-нд Ард Кредит БСББ-аас анх удаагаа БСББ-уудаас зээлийн эрхтэй карт зах зээлд нэвтрүүллээ.
  • 1 сарын 9-нд Хөрөнгө Оруулагч Үндэстэн ХК 1 нас хүрлээ.
  • 1 сарын 1-нээс үргэлжлүүлэн амралтын өдөр бүр Ард Академиас “Хөрөнгө оруулалтын сургалт” зохион байгуулж байна.
  • 2 сард Ард Санхүүгийн Нэгдэл ХК-аас нийт хувьцаа эзэмшигч нартаа Монгол Шуудан компаниар дамжуулан тайлан, хувьцааны мэдээллийг нь хүргэлээ.
  • 2 сарын 9-нд Ард Санхүүгийн Нэгдэл ХК нь өөрийн 100 хувийн эзэмшлийн Ард Секюритиз үнэт цаасны компанид 1.5 тэрбум төгрөгийн хөрөнгө оруулалт хийж, дүрмийн санг нь нэмэгдүүлэн нийт 2 тэрбум төгрөгт хүргэснийг Санхүүгийн Зохицуулах Хорооноос зөвшөөрлийг олголоо.
  • 2 сард Ард Санхүүгийн Нэгдэл ХК 2 тэрбум төгрөгийн бонд гаргаж, хаалттай хүрээнд амжилттай борлууллаа.
  • 2 сарын 13-нд Эрдэнэс Таван Толгой ХК-ийн эргэн тойронд асуудлаар хэвлэлийн бага хурал хийлээ.
  • 3 сарын 31-нд Ард Санхүүгийн Нэгдэл ХК нь нийгмийн хариуцлагаа өндрөөр ухамсарлан, Монголын сагсан бөмбөгийн холбооны Ниссан Дээд Лигийн тэргүүн “Этүгэн Ирвэсүүд” багийн ивээн тэтгэгч боллоо.
  • 4 сарын 21-нд Ард Академиас “Миний анхны амжилттай хөрөнгө оруулалт” номыг эрхлэн гаргалаа.
  • 4 сарын 22-нд “Хөрөнгө Оруулагч Ү-ндэстэн” чуулга уулзалтыг зохион байгууллаа.
  • 4 сарын 23-нд Ард Санхүүгийн Нэгдэл ХК-ийн хувьцаа эзэмшигч нарын ээлжит хурлыг амжилттай зохион байгууллаа. Тус хурлаас Ж.Оюунгэрэл, Ч.Ганхуяг, Х.Батхишиг, Бруно Рашле, Энтони Хоброу, Ц.Ариунтөгс, П.Батбаяр, Л.Соронзонболд, О.Одбаяр нарыг ТУЗ-ийн ердийн болон хараат бус гишүүнээр улируулан сонгож, шинээр Монгол ТВ-ийн Гүйцэтгэх захирал Ч.Номин, Монполимет группын Гүйцэтгэх захирал Н.Мөнхнасан нарыг ТУЗ-ийн бүрэлдэхүүнд сонгов.
  • 5 сарын 2-нд Ард Даатгалын Гүйцэтгэх захирлаар Г.Цогбадрах томилогдлоо.
  • 5 сарын 11-нд Ард Кредит ББСБ нь эргэлтийн хөрөнгө, зээлийн багцаа нэмэгдүүлэх зорилгоор хаалттай хүрээнд 2 тэрбум төгрөгний 2 жилийн хугацаатай бонд гаргалаа.
  • 5 сарын 13-нд Ард Шангри-Ла салбарыг нээлээ.
  • 8-н сард зохион байгуулагдсан ТУЗ-ийн хурлаар ТУЗ-ийн даргаар П.Батбаяр томилогдлоо.
  • 8 сарын 8-нд МАК ХХК-ийн Ард Холдингсд эзэмшдэг 6 орчим хувийн хувьцааг 2.1 тэрбум төгрөгөөр эргүүлэн авах шийдвэрийг ТУЗ-өөс баталлаа.
  • 8 сарын 11-нд хуралдсан ТУЗ-ийн хурлаар Ард Кредит ББСБ-ын IPO хийх асуудал эцэслэгдэн шийдэгдэж, анхдагч зах зээл дээр хувьцааг нь арилжих зөвшөөрлийг олголоо.
  • 8 сарын 15-нд Монголын Хөрөнгийн Бирж “Жинст Увс” нээлттэй хувьцаат компанитай Хөрөнгө Оруулагч Үндэстэн хаалттай хувьцаат компанийг нэгдэх зөвшөөрөл олголоо.
  • 9 сарын 14-нд Ард Санхүүгийн Нэгдэл 1 сая доллартай тэнцэх 2 жилийн хугацаатай бонд гаргалаа.
  • 9 сарын 18-нд Биткойн болон криптовалютын урамшуулалтай сугалаат аян нийт хувьцаа эзэмшигч нарын дунд зарлагдлаа.
  • 9 сарын 30-нд Ард Даатгалын нийт хөрөнгө 10 тэрбумын босгыг давлаа.
  • 10 сарын 2-нд Монголд анх удаа Биткойны цахим түрийвч Xapo компанитай хамтран ажиллаж эхэлж, Биткойны арилжааг Ард Бит ХХК эхлүүллээ.
  • 10 сарын 18-ны өдөр Ард Секюритиз ҮЦК нь хот төлөвлөлт болон барилга байгууламжийн зураг төсөл гүйцэтгэдэг “Эн Эй Пи” ХХК-д 350 сая төгрөгийн санхүүжилтийг амжилттай татан төвлөрүүлж өглөө.
  • 10 сарын 20-нд Ард Актив ХЗХ-ны нийт хөрөнгө 1 тэрбумын босгыг давлаа.
  • 10 сарын 25-нд Яруу найрагч Ш.Гүрбазарын “Сайхан ч юм даа Монгол хүн болж мэндлэх” тоглолтын ерөнхий ивээн тэтгэгчээр ажиллав.
  • 11 сарын 1-нд Монголын анхны криптовалют, биткойн, блокчэйн технологийн талаар “Цахим алт” номыг Ард Академиас эрхлэн гаргалаа.
  • 11 сарын 15-нд Ард Кредитийн нийт актив 10 тэрбумын босгыг давлаа.
  • 11 сарын 24-нд Хөрөнгө Оруулагч Үндэстэн хаалттай хувьцаат компани Санхүүгийн Зохицуулах Хорооны хурлын тогтоолоор Жинст Увс нээлттэй хувьцаат компанитай нэгдэж Монголын Хөрөнгийн Бирж дээр хувьцаагаа нээлттэй арилжаалах зөвшөөрөл авлаа.
  • 11 сарын 24-нд Ард Даатгалын 10.27 хувийг нэмж Ард Санхүүгийн Нэгдэл худалдах авах зөвшөөрлийг Санхүүгийн Зохицуулах Хорооноос олгов.
  • 11 сарын 27-нд Ард Санхүүгийн Нэгдэл нь Г.Тэнүүнийг Дижитал Технологийн Захирлаар томиллоо.
  • 11 сарын 30-нд хуралдсан ТУЗ-ийн хурлаар Ард Даатгал компанийн Монголын Хөрөнгийн бирж дээр гаргах зөвшөөрөл гарлаа.
  • 11 сарын 30-нд хуралдсан ТУЗ-ийн хурлаар 2016 онд хөрөнгө оруулалтаа татан гарч байсан ТТДС-тай дахин хэлцэл хийж, 12 орчим хувийг нь эзэмшихээр боллоо.
  • 11 сарын 30-нд Ард Бит ХХК-д Ард Санхүүгийн Нэгдэл 100 сая төгрөгийн хөрөнгө оруулалт хийхээр шийдвэр гаргалаа.
  • 12 сарын 1,2-ны өдрүүдэд Хөрөнгө Оруулагч Үндэстний хоёр дахь чуулга уулзалтыг КриптоҮндэстэн нэрэн дор амжилттай зохион байгуулж 1200 гаруй хүнийг нэг дор цуглуулж, Монгол Улсын Гадаад Харилцааны яамтай хамтран ГХЯ болон Корпорэйт Конвеншн Центрт амжилттай зохион байгууллаа.
  • 12 сарын 2-ны өдөр Мост Мони болон Грэйт Сити компанитай хамтран ажиллах стратегийн гэрээ байгууллаа.
  • 12 сард МҮОНТ-ийн нэг сувгаар цацагдаж эхэлсэн “Ногоон сум” хөрөнгийн зах зээлийн реалити шоуны зөвлөгч болон ивээн тэтгэгчээр Ард Секюритиз ҮЦК ажиллалаа.
  • 12 сарын 9-нд Монголын анхны криптовалютын сан байгуулах анхны хурлаа хийж, Крипто Үндэстэн байгуулагдлаа.
  • 12 сарын 15-нд Хөрөнгө Оруулагч Үндэстэн ХК болон Жинст Увс ХК-ийн МХБ дээр хувьцааны анхны арилжаа нээгдлээ.
  • 1 сарын 8-нд Крипто Үндэстэн ТЗК Төлөөлөн удирдах зөвлөлийн хурлыг хийж, менежментийн гэрээгээ баталж, хөрөнгө оруулах шийдвэрүүдээ гаргалаа.
  • 1 сарын 12-24 нд Ардын тамирчин Б.Ганболд Финланд улсын Vuokatti хотод пара гүйлтийн цанын дэлхйин цомын аварга шалгаруулах тэмцээнд оролцож 9 дүгээр байр эзлэв.
  • 1 сарын 23-26 нд Ч.Ганхуяг Дэлхийн Эдийн засгийн форумд оролцов.
  • 2 сарын 19-22 нд АНЭУ-ын хотод пара пауэрлифтингийн Дэлхийн цомын аварга шалгаруулах тэмцээнд оролцож 107 килограммын жинд 220 килограммыг шахсанаар алтан медалийн эзнээр Ардын тамирчин Э.Содномпэлжээ тодорлоо.
  • 3 сарын 11-нд Ч.Ганхуяг Энгадины цанын марафонд хамт олноо төлөөлөн оролцлоо
  • 3 сарын 18-нд БНСУ-д зохион байгуулагдсан Пёнчан 2018 өвлийн олимпийн наадамд Ардын тамирчин Б.Ганболд пара гүйлтийн цанын төрлөөр 20 км-т 16-р байр, 10 км-т 14-р байр, 15 км-т 14-р байрыг тус тус эзлэв.
  • 3 сарын 30-нд Ардын харилцагчдын дунд сар бүр гар утас, жилийн эцэст 1 Биткойны хонжвортой сугалаат аян зарлагдлаа.
  • 4 сарын 2-нд Ард Даатгал ХК 2 жил дараалан ногдол ашиг хуваариллаа.
  • 4 сарын 2-нд Крипто Үндэстэн эхний улирлын ногдол ашгаа хуваариллаа.
  • 4 сарын 3-нд Ардын шинэ салбар Эрдэнэт хотод байгуулагдлаа
  • 4 сарын 4-нд Ард Кредит ББСБ хувь нийлүүлэгчдэдээ ногдол ашиг хуварилах шийдвэр гаргалаа.
  • 4 сарын 17-нд Ард Кредит Поларис үндсэн банкны системийг бүрэн нэвтрүүллээ.
  • 4 сарын 17-нд Ард Лайф хөрөнгө оруулалтын данс эзэмшигчдэдээ ашиг хуваарилах шийдвэр гаргалаа.
  • 4 сарын 20-нд Этүгэн Ирвэсүүд багийг хоёр дахь жилдээ ивээн тэтгэхээр болж, Ард Этүгэн Ирвэсүүд баг мэндэллээ.
  • 4 сарын 27-нд Ард Санхүүгийн Нэгдэл болон Жинст-Увс ХК-ийн хувьцаа эзэмшигчдийн ээлжит хурлаар 2 компани нэгдэх шийдвэр гаргалаа.
  • 4 сарын 28-нд Ард Кредит ББСБ нь “Хувьцаа барьцаалсан зээл”-ийн бүтээгдэхүүн гаргалаа.
  • 4 сарын 28-нд Ард Аппын эхний хувилбар гарлаа.
  • 4 сарын 28-нд GoPay апп Биткойн барьцаалсан зээл олгохоор боллоо.
  • 5 сарын 2-нд Ард Секюритиз ҮЦК нь Нэткапитал финанс корпораци ББСБ-ын санхүүжилтийг амжилттай босголоо.
  • 5 сарын 14-19 нд Ардын тамирчин Э.Содномпэлжээ Финланд улсын Ванта хотод болсон ДАШТ-д орж 105 кг-ын жинд эхний оролт 232.5 кг, хоёр дахь оролт 237.5 кг, гурав дахь оролтоороо 242.5 кг-ыг шахснаар алтан медаль хүртэж дэлхийн аврага боллоо.
  • 5 сарын 21-23 нд Монголын Эдийн Засгийн Форумын ерөнхий ивээн тэтгэгчээр оролцлоо. Менежментийн багаас зохион байгуулалтын ажлыг гардан хийлээ.
  • 6 сарын 7-нд Ард Холдингсын ТУЗ-ийн бүрэлдэхүүнд өөрчлөлт орлоо.
  • 6 сарын 8-нд Хөрөнгө оруулагч Үндэстэн татан буугдлаа.
  • 6 сарын 13-нд Ард Лайф Поларис үндсэн банкны системийг бүрэн нэвтрүүллээ.
  • 6 сарын 13-нд Ард Лайф хувийн тэтгэврийн сангийн харилцагчдын тоо 1,000-д хүрлээ.
  • 6 сарын 29-нд Ард Санхүүгийн Нэгдэл, Монгол шуудангийн хамтарсан салбарын нээлтийн үйл ажиллагаа боллоо.
  • 7 сарын 3-нд Go Lend Биткойн барьцаалсан анхны зээлийг олголоо.
  • 7 сарын 3-нд Битмед болон Ард Холдингс компаниудын түншилж, эрүүл мэндийн зайн үйлчилгээг төв Азид нэвтрүүлэхээр боллоо.
  • 7 сарын 3-нд Ард Секюритиз ҮЦК нь Мини Кредит ХХК-тай хамтарч ажиллахаар боллоо.
  • 7 сарын 10-нд Хувьцаатай хүүхэд аян эхэллээ.
  • 7 сарын 19-нд Монголын Рагбигийн шигшээ багийн ерөнхий ивээн тэтгэгчээр Ард Санхүүгийн Нэгдэл ажиллахаар боллоо.
  • 7 сарын 19-нд Ард Холдингс болон Дижитал Эксченж Монголиа компаниуд стратегийн түншлэлийн гэрээ байгууллаа.
  • 8 сарын 29-нд СЗХ-оос Ард Даатгал IPO хийх зөвшөөрлийг олголоо.
  • 9 сарын 8-12 Ардын тамирчин Э.Содномпэлжээ Япон улсын Китакюушу хотод болсон пара пауэрлифтингийн Азийн АШТ-д 107кг-ын жинд өрсөлдөж 239 кг өргөж алтан медаль хүртлээ.
  • 9 сарын 18-20 нд Ард Санхүүгийн Нэгдлийг төлөөлөн БНХАУ-ын Тяньжин хотод зохион байгуулагдсан Зуны Давос гэгдэх ДЭЗФ-ын шинэ манлайлагчдын хуралд Ч.Ганхуяг, Ж.Алтангүний, Ч.Ганхуяг нар оролцов.
  • 9 сарын 26-нд Ард Секюритиз DBX онлайн арилжааны системийг албан ёсоор нэвтрүүллээ.
  • 9 сарын 26-нд Ард Даатгалын хувьцааны анхдагч зах зээлийн захиалга дуусч, 7 тэрбум төгрөгийн захиалга ирлээ.
  • 10 сарын 6-13 нд Ардын тамирчин Э.Содномпэлжээ Индонез улсын Жакарта хотноо болсон Пара Азийн наадамд пара пауэрлифтингийн төрөлд 107 кг-ын жинд 244 кг өргөн Азийн дээд амжилтыг 5 кг-аар, Азийн пара пауэрлифтингийн дээд амжилтыг 11.5 кг-аар ахиулж, дэлхийн рекордыг 1 кг-аар ахиулж, алтан медаль хүртлээ.
  • 10 сарын 9-нд Монголын цахим худалдааг олон улсын түвшинд хүргэхээр Ард, Монгол шуудан, МEC Partners нар хүчээ нэгтгэлээ.
  • 12 сарын 1-нд Автомшины хонжвортой сугалаат аян явуулахаар зарлав 
  • 12 сарын 1-нд Ардын өдөрлөг амжилттай болж, Ард Шоп эхний танилцуулгаа хийлээ.
  • 12 сарын 1-нд Ард Даатгал ХК-ийн хувьцаа эзэмшигчдийн ээлжит бус хурал амжилттай боллоо.
  • 12 сарын 3-нд Ардын хөрөнгө оруулагчид хүүгүй зээл авдаг боллоо.
  • 12 сарын 8-9 нд Ард Кредит ББСБ хүүгүй, барьцаагүй зээлийн өдөрлөг зохион байгуулав.
  • 12 сарын 27-нд Жинст-Увс, Ард Санхүүгийн Нэгдэл нэгдэх шийдвэрийг Монголын Хөрөнгийн Биржээс гаргалаа.
  • 12 сарын 31-нд Ард Даатгал ХК-ийн хувьцаа эзэмшигчдийн тоо 1,649 хүрлээ
  • 1 сарын 9-нд Санхүүгийн зохицуулах хорооны ээлжит хуралдаанаар Ард Кредит ББСБ-д Монголын Хөрөнгийн Бирж дээр IPO хийх, нээлттэй хувьцаат компани болох зөвшөөрлийг олголоо.
  • 1 сарын 15-нд  Ард Бит компани АрдКойн лоялти оноог гаргалаа.
  • 1 сарын 19-нд Хөрөнгө Оруулагч Үндэстэн чуулган зохион байгуулагдлаа.
  • 1 сарын 19-нд Ард Дижитал түрийвч зах зээлд танилцууллаа.
  • 2 сарын 5-нд Ардын анхны автомашины сугалааг М.Отгонбаяр хожлоо.
  • 2 сарын 7-нд Цагийн хүрдийн баатруудаар тодорлоо.
  • 2 сарын 18-нд Ард Кредит ББСБ-ын хувьцааны захиалга эхэллээ.
  • 2 сарын 19-нд Ард Даатгал ХК нь 2018 оны цэвэр ашгийн 50 хувь буюу 631 сая төгрөгийг хувьцаа эзэмшигчдэд ногдол ашгаар хуваарилахаар шийдвэрлэлээ.
  • 2 сарын 19-нд Ард Кредит ББСБ нь Япон улсын Крауд Кредит Сантай хамтран ажиллах гэрээнд гарын үсэг зурснаар нийт 5 сая доллартай тэнцэх төгрөгийн санхүүжилтийг татан төвлөрүүлэхээр боллоо.
  • 3 сарын 1-нд Ард Кредитын (MSE: ADB) IPO амжилттай болж, 300% давж биеллээ.
  • 3 сарын 6-нд Монголын Урлагийн Зөвлөл ТББ-д 100 сая төгрөгийн хандив өгөв.
  • 3 сарын 11-нд Ч.Ганхуяг Энгадины цанын марафонд хамт олноо төлөөлөн оролцов.
  • 3 сарын 12-нд Ард Кредит ББСБ ХК-ийн үнэт цаасны хоёрдогч арилжаа эхэллээ.
  • 3 сарын 12-нд Ард Даатгал ХК-ийн 25 жилийн ойн түүхэн баярын өдөр
  • 3 сарын 22-нд Шангри-ла салбарын түрээсийн гэрээ дуусгавар болж, тус салбарыг хаав.
  • 3 сарын 26-нд Монгол Шуудан ХК БНХАУ, ОХУ-ыг холбосон транзит тээврээ сэргээлээ.
  • 3 сарын 29-нд Ард Актив ХЗХ-ны бүх гишүүдийн хурал болов.
  • 4 сарын 5-нд Ард Апп-аар дамжуулан үнэт цаасны дансаа онлайнаар нээдэг боллоо.
  • 4 сарын 8-нд АрдКойн Монголын цорын ганц криптовалютын арилжааны платформ болох Trade.mn дээр арилжаалагдах боллоо. ARDX/MNT анхны арилжаа явагдлаа.
  • 4 сарын 11-нд Өнгө нэм арга хэмжээнд хандивлагчаар оролцов.
  • 4 сарын 17-нд ARDX (ArdCoin) Трэйд.мн дээр анхны Биткойн болон ам доллараар арилжаанууд явагдлаа.
  • 4 сарын 18-нд Ардын Alpha уралдаан зарлагдав.
  • 4 сарын 19-нд Хувьцаатай хүүхэд хөтөлбөр хэрэгжиж эхэллээ.
  • 4 сарын 27-нд Ард Санхүүгийн Нэгдэл, Ард Даатгал, Ард Кредит, Жинст Увс ХК-иудын хувьцаа эзэмшигч нарын ээлжит хурал Зайсан Хилл-д зохион байгуулагдав.
  • 4 сарын 27-нд Анх удаагаа Ард Санхүүгийн Нэгдэл 1 тэрбум төгрөгтэй тэнцэх хувь тэнцүүлсэн урамшууллыг олголоо.
  • 5 сарын 8-нд Санхүүгийн Зохицуулах Хорооноос Ард Санхүүгийн Нэгдэл болон Жинст Увс ХК-иудыг нэгдэх зөвшөөрөл олгов.
  • 5 сарын 30-нд Олон улсын крипто түрийвч болох AlphaWallet бэлэн боллоо.
  • 6 сарын 5-нд Ардынхан Төв, Говьсүмбэр, Дорногоювь аймгийн ард иргэдэд танилцуулга мэдээлэл хүргүүлэв.
  • 6 сарын 9-нд Ардын 2 дох автомашины сугалааг Д.Сарантуяа хожлоо.
  • 6 сарын 17-нд Ард Даатгал ХК ногдол ашиг хуваариалав.
  • 6 сарын 20-нд Жинст Увс ХК оноосон нэрийг Ард Санхүүгийн Нэгдэл ХК болгож өөрчлөхийг Санхүүгийн Зохицуулах Хорооноос зөвшөөрөв.
  • 6 сарын 21-нд ARDX холбоотойгоор Airdrop тусгай урамшуулалт аян эхэллээ.
  • 6 сарын 21-нд Ард Апп хэрэглэгчдийн тоо 200,000, Ард Кредитын харилцагчдийн тоо 100,000 хүрлээ.
  • 6 сарын 28-нд Монгол Шуудан ХК ногдол ашиг хуваариалав.
  • 7 сарын 8-нд Санхүүгийн Зохицуулах Хорооноос Ард Менежмент ХХК-г Үндэсний Хувьчлалын Сан хаалттай хамтын хөрөнгө оруулалтын санг байгуулах зөвшөөрөл олголоо.
  • 7 сарын 23-нд Харилцагчид Ardshop.mn-ээр дамжуулан гадаад захиалга хийх боломжтой боллоо.
  • 7 сарын 25-нд Ард Бит Глобал Сингапур улсад үйл ажиллагаа явуулах зөвшөөрөл авлаа.
  • 8 сарын 8-нд Ард Санхүүгийн Нэгдэл нээлттэй компани болж, хувьцааны арилжаа нээгдлээ. Ард Санхүүгийн Нэгдэл ХК, Ард Кредит ХК, болон Ард Даатгал ХК-ууд 2019 оны эхний хагас жилийн тайлангуудаа хувьцаа эзэмшигчдэдээ танилцууллаа.
  • 8 сарын 22-нд АрдКойн (ARDX) Австралийн BTCEXA олон улсын бирж дээрх арилжаалагдахаар боллоо.
  • 8 сарын 30-нд АрдКойн (ARDX) Австралийн BTCEXA (btcexa.com) криптовалютын бирж дээр амжилттай гарч, арилжаагаа эхлүүллээ
  • 9 сарын 2-нд  АрдКойн (ARDX) олон улсын КойнМэрит криптовалют мэдээллийн санд  бүртгэгдлээ.
  • 9 сарын 2-нд  АрдКойн (ARDX) олон улсын КойнГэкко криптовалют мэдээллийн санд  бүртгэгдлээ.
  • 9 сарын 18-нд АрдКойн (ARDX) олон улсын томоохон криптовалютын бирж болох Стэкс (STEX) дээр арилжаалагдаж эхэллээ.
  • 10 сарын 21-нд Улаанбаатар хотын Худалдааны Танхим (УБХТ)-ын Удирдах Зөвлөлийн ээлжит хурал болж, “Ард Санхүүгийн Нэгдэл” ХК-ийн Гүйцэтгэх захирал Ч.Ганхуяг тус танхимын Ерөнхийлөгчөөр сонгогдлоо.
  • 11 сарын 29-нд Ард Санхүүгийн Нэгдэл Монгол Шуудан ХК-ийн 3.6 хувийг нэмж авлаа.
  • 12 сарын 1-нд Хөрөнгө Оруулагч Үндэстэн – 2020 чуулга уулзалт “Ирээдүйдээ эзэн байя” гэсэн уриан дор зохион байгуулагдлаа.
  • 12 сарын 1-нд Ард Аппын шинэ хувилбар гарлаа.
  • 12 сарын 2-нд Ард Санхүүгийн Нэгдлийн ТУЗ-ийн ээлжит хурал болж, Ардын 100 хувийн хөрөнгө оруулалттай “Ард Холдингс Интернэшнл ХХК”-ийг үүсгэн байгуулах шийдвэр гарлаа.
  • 12 сарын 2-нд  Ард Санхүүгийн Нэгдэл Ард Лайф ХХК-ийг дахин хөрөнгөжүүлэх, үйл ажиллагааг нь тэлэх зорилгоор 9 тэрбум төгрөгийн хөрөнгө оруулалт нэмж хийх шийдвэр гарлаа.
  • 12 сарын 19-нд Ардын нийт ажилчдын шинэ жил боллоо.
  • 12 сарын 19-нд АрдКойн олон улсын криптовалютын платформууд болох CoinMarketCap, LiveCoinWatch болон Blockfolio дээр бүртгэгдлээ.
  • 12 сарын 23-нд Ард Санхүүгийн Нэгдлийн ивээн тэтгэсэн Би Багш шоу нэвтрүүлгийн шилдэг багшаар  Сэлэнгэ аймгийн Мандал сум/хуучнаар Зүүн хараа хот/-ын Гуравдугаар сургуулийн бага ангийн багш Ц.Аюуш тодорлоо.
  • 1 сарын 10-нд БНХАУ-ын Ябула хотод зохиогдож буй “Азийн цом-2020″ тэмцээний 1.5км /спринт/ зайн уралдаанд Ардын тамирчин Б.Ганболд хүрэл медаль хүртлээ.
  • 1 сарын 13-нд Монголын Хөрөнгийн Биржийн ТОП-20 индекс шинэчлэгдэж, Ард Санхүүгийн Нэгдэл ХК, Ард Даатгал ХК, Ард Кредит ХК болон Монгол Шуудан ХК багтлаа.
  • 1 сарын 22-нд Ард Санхүүгийн Нэгдэл (Ард)-ийн Хөрөнгө Оруулалт Хариуцсан Захирлаар Энхсайхан овогтой Амарбаясгалан томилогдлоо.
  • 1 сарын 30-нд Ард Кредит ББСБ ХК (Ард Кредит)-ийн Гүйцэтгэх захирлаар Гэрэлтийн Тэлмэн томилогдлоо.
  • 2 сарын 12-нд Ард Секюритиз ҮЦК нь гадаад арилжаа эрхлэх тусгай зөвшөөрөл авлаа.
  • 2 сарын 19-нд Ард Санхүүгийн Нэгдэл ХК 2019 оны нийт ашгаас 12.65 хувь буюу 1 тэрбум төгрөгийг хувьцаа эзэмшигчдэд ногдол ашгаар хуваарилахаар шийдвэрлэлээ.
  • 2 сарын 19-нд Ард Даатгал ХК 2019 оны цэвэр ашгийн 49.45 хувь буюу 850 сая төгрөгийг хувьцаа эзэмшигчдэд ногдол ашгаар хуваарилахаар шийдвэрлэлээ.
  • 2 сарын 19-нд Ард Кредит ББСБ ХК 2019 оны цэвэр ашгийн 50 хувь буюу 1.18 тэрбум төгрөгийг хувьцаа эзэмшигчдэд ногдол ашиг хэлбэрээр хуваарилахаар шийдвэрлэлээ.
  • 4 сарын 1-нд Ард Санхүүгийн Нэгдэл Ард Лайф-д нэмэлт хөрөнгө оруулалт хийв.
  • 4 сарын 27-нд Ард Кредит ХК хувьцаа эзэмшигчдийн ээлжит хурлаа цахимаар амжилттай зохион байгууллаа.
  • 4 сарын 29-нд Ард Даатгал ХК хувьцаа эзэмшигчдийн ээлжит хурлаа цахимаар амжилттай зохион байгууллаа.
  • 5 сарын 1-нд Ард Санхүүгийн Нэгдэл ХК хувьцаа эзэмшигчдийн ээлжит хурлаа цахимаар амжилттай зохион байгууллаа.
  • 5 сарын 5-нд АрдКойн Монголын хамгийн анхны олон улсын крипто бирж болох BitMonex-д бүртгэгдлээ.