2024-07-09-Улаанбаатар хот, Ард Санхүүгийн Нэгдэл нь Сингапур Улсад төвтэй хиймэл оюун ухаанд суурилсан баялгийн удирдлагын платформ болох Investbanq-тай хамтын ажиллагааны санамж бичиг үзэглэлээ. Хамтын ажиллагааны хүрээнд Ард Аппаар хиймэл оюун ухаанд суурилсан хөрөнгө оруулалтын удирдлагын шийдлүүдийг нэвтрүүлэх зорилготой. Мөн Ард Санхүүгийн Нэгдлийн охин компани болох Ард Секюритизийн хөрөнгийн удирдлагын зөвлөх үйлчилгээ болох Баялгийн менежментийг хиймэл оюун ухаан ашиглан хөрөнгө оруулагчдад санал болгох юм.
Түүнчлэн, Ард Аппын 1.1 сая гаруй хэрэглэгч Монгол Улсын хаанаас ч аппараа дамжуулан бүрэн цахим байдлаар дэлхийн хөрөнгийн зах зээл дээрээс өөрийн хэрэгцээ шаардлагад нийцсэн хөрөнгө оруулалтыг хийх боломжтой болох юм. Мөн хиймэл оюун ухааныг ашиглан цаг хугацаа алдалгүй хөрөнгө оруулалтын судалгааг хийх боломжийг бүрдүүлэх юм.
Investbanq нь хувьцаа, бонд, хувийн хөрөнгө оруулалтын сан зэрэг бүхий л хөрөнгө оруулалтын бүтээгдэхүүнд хөрөнгө оруулах боломжийг агуулсан хиймэл оюун ухааны шийдлийг нэвтрүүлсэн баялгийн удирдлагын платформ юм.
Investbanq-ын онцлог:
- Нэгдсэн хандалт: Хөрөнгө оруулагч нэгдсэн платформоор дамжуулан төрөл бүрийн хөрөнгө оруулалтын хэрэгсэлд хөрөнгө оруулах, цогц удирдлагыг хэрэгжүүлэх боломж.
- Нарийвчилсан тайлагнал болон шинжилгээ: Хөрөнгө оруулалтын оновчтой шийдвэр гаргалт болон эрсдэлийн удирдлагад шаардлагатай тайлан, шинжилгээ.
- Хиймэл оюун ухааны шийдэл: Хөрөнгө оруулагчийн онцлогод тохирсон хиймэл оюун ухаанд суурилсан зах зээлийн төлөв байдал болон хөрөнгө оруулалтын багцын санал.
Ард Санхүүгийн Нэгдэл нь Хөрөнгө Оруулагч Үндэстэнг цогцлоох эрхэм зорилгынхоо хүрээнд санхүү ба технологийн компаниудад хөрөнгө оруулалт хийдэг Монголын тэргүүний Финтек компани юм.
Дэлгэрэнгүй мэдээллийг:
Investbanq Pte. Ltd.
Хаяг: 138 Robinson Road #11-01, Oxley Tower, Singapore, 068906 Холбогдох утас: 65 6909 6131 И-мэйл хаяг: social@investbanq.com Вэбсайт: investbanq.com
Ард Санхүүгийн Нэгдэл ХК
Төв оффис: Сүхбаатар дүүрэг, 8-р хороо, Сүхбаатарын талбай, Сэнтрал Тауэр, 17 давхарт w3w: оюунлаг.азтанд.өтгөрөх Холбогдох утас: 7700 3322 И-мэйл хаяг: info@ardholdings.com Вэбсайт: ardholdings.com
