by

АРД ДААТГАЛ ХК-ИЙН ХУВЬЦАА ЭЗЭМШИГЧДИЙН ЭЭЛЖИТ БУС ХУРАЛ АМЖИЛТТАЙ БОЛЛОО 2018-12-12

Хамгийн олон хувьцаа эзэмшигчтэй Ард Даатгал компани хувьцаа эзэмшигчдийн ээлжит бус хурлаа 2018 оны 12 сарын 1-ний өдөр Туушин зочид буудалд амжилттай зохион байгууллаа. Даатгалын компаниудаас анхлан Монголын Хөрөнгийн Бирж дээр IPO хийж, олон нийтийн засаглалтай болсон тус компани хувьцаа эзэмшигчдийн ээлжит бус хурлаараа дараах асуудлуудыг хэлэлцэн шийдвэрлэлээ. Үүнд, Ард Даатгал ХК-ийн дүрмийн сангийн хэмжээг 1.5 тэрбум төгрөгөөр нэмж, 5 тэрбум төгрөг болгон нэмэгдүүлэхийг зөвшөөрч, Ард Даатгал ХК-ийн дүрмийг мөн баталлаа.

Ард Даатгал ХК энэ оны 9 сард IPO хийснээр компанийхаа 30 хувийг олон нийтэд эзэмшүүлж, нийт 1,500 орчим хөрөнгө оруулагчтай болжээ. Хөрөнгийн зах зээлээс 5.25 тэрбум төгрөг татан төвлөрүүлсэн бөгөөд тус компанийн нийт хувьцааны 19 хувийг иргэд, үлдсэн 81 хувийг аж ахуйн нэгжүүд эзэмшиж байна. Ард Даатгалын хувьцаа Монголын Хөрөнгийн Бирж дээр AIC гэсэн симболтой арилжигдаж байна.

“Манай компани нээлттэй хувьцаат компани болсноос хойш анхныхаа хувьцаа эзэмшигчдийн хурлыг амжилттай хуралдууллаа. Бидэнд итгэл хүлээлгэн, хөрөнгөө оруулсан нийт хувьцаа эзэмшигчиддээ талархал илэрхийлэхийн ялдамд нийт хамт олныхоо өмнөөс та бүхний итгэлийг өндөрт өргөж явахыг хариуцлагатайгаар амлаж байна” гэж гүйцэтгэх захирал Г.Цогбадрах хэллээ.

“Ард Даатгал нь манай хөрөнгө оруулалтын багцад томоохон байр суурь эзэлдэг компани. Бид харилцагчиддаа зөвхөн даатгалын үйлчилгээгээр хязгаарлахгүй, санхүүгийн иж бүрэн үйлчилгээг Ард Санхүүгийн Нэгдлийн охин компаниудын зүгээс хүргэхийг хичээн ажиллаж байна. Хүүгүй зээл, цахим банк, e-commerce, Ард Шоп гээд олон олон шинэлэг бүтээгдэхүүнийг та бүхэнд өнөөдрөөс эхлэн хүргэнэ” гэж Ард Даатгалын ТУЗ-ийн дарга Ч.Ганхуяг тэмдэглэв.

Ирэх жил компани үүсгэн байгуулагдсаны 25 жилийн ойн баяр нь тохиох гэж буй Ард Даатгал компани үйл ажиллагаа болон санхүүгийн тайлангаа хувьцаа эзэмшигч нартаа нээлттэй танилцуулж, цаашид хийхээр төлөвлөж буй ажлууд болон шинэ бүтээгдэхүүн, үйлчилгээнийхээ талаар дэлгэрэнгүй мэдээлэл өгсөн юм.

Ард Холдингс нь санхүүгийн салбарт үйл ажиллагаа явуулдаг компаниудад хөрөнгө оруулалт хийж, зах зээл дэх байр суурь, өрсөлдөх чадвар болон үнэ цэнийг нь дээшлүүлэх замаар хувьцаа эзэмшигчдийнхээ хөрөнгийн өгөөжийг өсгөх зорилт тавин ажилладаг үндэсний санхүүгийн нэгдэл компани юм. Ард Холдингсын бүрэлдэхүүнд Ард Даатгал, Ард Кредит, Ард Секюритиз, Ард Лайф, Ард Актив, Ард Менежмент, Ард Бит, ТэнГэр Системс, Монгол Шуудан, ГөүПей, Номын Хишиг, КриптоҮндэстэн, Дижитал Эксчэнж Монголиа (trade.mn), “МЕС” корпораци (mmarket.mn) зэрэг компани багтаж байна. Хөрөнгө Оруулагч Үндэстэн нь Жинст Увс ХК-тай нэгдсэнээр Монголын Хөрөнгийн Бирж дээр бүртгэлтэй нээлттэй хувьцаат компани болсон бөгөөд Ард Холдингсын өмчлөлд бүртгүүлсэн маркетингийн брэнд юм. Ард Апп, Гөү Пэй нар Ард Санхүүгийн Нэгдлийн өмчлөлд бүртгүүлсэн хиймэл оюун ухаан, блокчэйн технологи дээр суурилсан цахим бүтээгдэхүүнүүд юм.

Монголын Хөрөнгийн Бирж дээр арилжаалагдаж буй манай хөрөнгө оруулалттай компаниуд:
-MNP (05412) Монгол Шуудан ХК
-AIC (05480) Ард Даатгал ХК
-JIV (03262 ) Жинст Увс (Хөрөнгө Оруулагч Үндэстэн) ХК

Дэлгэрэнгүй мэдээлэл авахыг хүсвэл бидэнтэй холбоо барина уу.

Хаяг: Сүхбаатар дүүрэг, 8 хороо, Ерөнхий сайд Амарын гудамж, Ард Холдингсийн байр, 2 давхар w3w: цэнэг.эрдэмтэй.өнгөлөх

Шангри-Ла дахь салбарын хаяг: Сүхбаатар дүүрэг, 1 хороо, Олимпын гудамж, 19A-C, Шангри-Ла Худалдааны Төв, 1 давхар w3w: хөтөч.лугших.бүтээлчид

Сэнтрал Тауэр дахь салбарын хаяг: Сүхбаатар дүүрэг 8, Их эзэн Чингис хааны нэрэмжит талбай 2, Сэнтрал Тауэр, 1 давхар w3w: оюунлаг.азтанд.өтгөрөх

Холбоо барих утас: 7707-8080, 77078181, 77078282

И-мэйл хаяг: info@ardholdings.com

Вэб сайт: www.ardholdings.com


Хүчтэй.Хамтдаа