Хөрөнгө Оруулалт
by 
Таны хэрэгцээнд тохируулсан даатгалын шилдэг үйлчилгээг үзүүлэгч Монгол Улсын ууган даатгалын компани
Ард Даатгал ХК нь Улаанбаатар хот болон орон нутгийн 21 салбар нэгж, төлөөлөгчийн газар, системийн нөлөө бүхий 5 арилжааны банк, олон улсын болон дотоодын 70 гаруй брокер, мэргэжлийн оролцогч зуучлагч, олон тооны банк бус санхүүгийн байгууллага, 100 орчим даатгалын төлөөлөгчдөөрөө дамжуулан улс орон даяар даатгалын үйлчилгээг хүргэн ажиллаж байна.
Ард Кредит ББСБ ХК нь Монголбанк, Санхүүгийн Зохицуулах Хороо (СЗХ)-ноос өгсөн тусгай зөвшөөрлийн хүрээнд цахим мөнгө, төлбөрийн үйлчилгээ, зээлийн үйл ажиллагаа, гадаад валютын арилжаа, хаалттай өрийн бичиг, итгэлцлийн үйлчилгээ, богино хугацаат санхүүгийн хэрэгсэлд хөрөнгө оруулалт хийх, цахим төлбөр тооцоо, мөнгөн гуйвуулга хийх, санхүүгийн чиглэлээр зөвлөгөө өгөх үйл ажиллагаа явуулдаг, технологид суурилсан нээлттэй хувьцаат компани юм
Үнэт цаас, хөрөнгө оруулалтын цогц үйлчилгээг үзүүлэгч Монгол Улсын ууган брокерын компани, хөрөнгө оруулалтын банк
Ард Секюритиз ҮЦК нь санхүүгийн зуучлалын цогц үйлчилгээ үзүүлэн ажиллаж буй Монгол Улсын ууган үнэт цаасны компани юм. Санхүүгийн Зохицуулах Хорооноос брокер, дилер, андеррайтер, хөрөнгө оруулалтын зөвлөх, гадаад арилжаанд зуучлах, номинал дансаар үйлчилгээ үзүүлэх тусгай зөвшөөрлийг тус тус эзэмшиж байна.
Монгол Улсын анхны хамтын хөрөнгө оруулалтын сан бөгөөд 2020 оны 10-р сард нэгж эрхийг 100 төгрөгөөр үнэлж, олон нийтээс 5 тэрбум төгрөгийн хөрөнгийг татан төвлөрүүлсэн. Үндэсний Хувьчлалын Сангийн нэгж эрхэд хөрөнгө оруулалт хийснээр эргэжлийн багаар хөрөнгө оруулалтын менежментийг хийлгэж, улс орны эдийн засагт томоохон байр суурь эзэлдэг төрийн өмчит компаниудын хувьчлалд оролцож мөн дотоод, гадаадын хөрөнгийн зах зээлд хөрөнгө оруулалт хийж өгөөж хүртэх боломжтой.
1921 оны 7 дугаар сарын 19-нд Ардын засгийн газрын тэргүүлэгчдийн 6-р хурлын тогтоолоор Монгол улсын шуудан бичиг, Цахилгаан мэдээний ерөнхий хороог байгуулсан нь одоогийн “Монгол Шуудан” ХК юм.
Монгол улсын шуудангийн үндсэн сүлжээг эзэмшигч “Монгол Шуудан” ХК нь Монгол Улсын 21 аймаг, дүүргийн 22 Шуудангийн үйлчилгээний газар, 330 сум болон Улаанбаатар хотын 38 Шуудангийн үйлчилгээний салбараар дамжуулан нийт 900 гаруй ажиллагсадтайгаар шуудангийн 30 гаруй нэр төрлийн үйлдвэрлэл үйлчилгээг эрхлэн явуулж байна.
Өнөөдрийн байдлаар улс, хот хоорондын шууданг 7 хоногт 3-6 удаа, аймгийн төв сум хооронд 7 хоногт 2-4 удаа, сумаас 1200 гаруй багт 7 хоногт 1 удаа хүргэхээс гадна дэлхийн 200 гаруй улс оронтой, түүний дотор шуудангийн хамгийн шуурхай хэлбэр буюу буухиа шууданг 38 оронтой солилцож байна. Бид 30 гаруй мянган шуудангийн хайрцаг эзэмшигч, 200 мянга гаруй хэвлэл захиалагч, 10000-иад албан байгууллагад шуудангийн үйлчилгээг үзүүлж, жилдээ 10 сая гаруй ширхэг бичиг захидал, илгээлт, хэвлэлийг хаягт эзэнд нь хүргэж гардуулдаг.
Тэнгэр Системс нь банк санхүүгийн салбарт хэрэглэгдэж буй программ хангамж зохиох, хөгжүүлэх чиглэлээр үйл ажиллагаагаа явуулж буй байгууллага юм. 2014 оны байдлаар анхны бүтээгдэхүүн болох GeniusBanker программ хангамжийг хэрэглэдэг 50 гаруй харилцагч байгууллагатай болсон байна. Үүнд 43 хадгаламж зээлийн хоршоо, 3 банк бус санхүүгийн байгууллага, 5 бусад аж ахуйн нэгж тус программыг үйл ажиллагаандаа ашиглаж байна.